غزل
جو میری دسترس میں ہو میں اس کو توڑ سکتا ہوں
مگر بکھرے ہوئے بادل کو کیسے جوڑ سکتا ہوں
اسی دھرتی کے سینے پر مرے پیاروں کی قبریں ہیں
میں اپنے گاؤں کی مٹی کو کیسے چھوڑ سکتا ہوں
مرے باطن کی موجوں کا تموج کس نے دیکھا ہے
میں اپنے جوش میں آوں تو دریا موڑ سکتا ہوں
کہاں وہ دل کی باتیں میرے سمجھانے سے سمجھے گا
کسی دیوار سے ٹکرا کے میں سر پھوڑ سکتا ہوں
شفیق أصف زمیں زادہ ہوں ، اندازہ ہے قامت کا
اچھل کر أسماں سے کب ستارے توڑ سکتا ہوں
